Қазақстан Республикасы Президентінің 2007 жылғы 4 маусымдағы N 338 Жарлығы Қазақстан Республикасының ПҮАЖ-ы, 2007 ж., N 18, 195-құжат;

"Егемен Қазақстан" 2007 жылғы 6 маусым N 157 (24732)

  "Қазақстан Республикасының әкімшілік-аумақтық құрылысы туралы" Қазақстан Республикасының 1993 жылғы 8 желтоқсандағы Заңының 9-бабына сәйкес ҚАУЛЫ ЕТЕМІН:     

1. Маңғыстау облысының құрамында әкімшілік орталығы Маңғыстау ауылында болатын әкімшілік-аумақтық бірлік - Мұнайлы ауданы құрылсын.     

2. Қазақстан Республикасының Үкіметі осы Жарлықтың 1-тармағын іске асыру жөнінде қажетті шаралар қабылдасын.     

3. Осы Жарлық 2007 жылғы 1 шілдеден бастап қолданысқа енгізіледі.

Қазақстан Республикасының  

Президенті

Жаңа ауданның жақсылықтары көп болғай!

Елбасымыздың жасампаз саясатының арқасындағы жаңаша даму көкжиегіне бет түзеген өлкеміз әлеуметтік-экономикалық өсіп-өркендеу кезеңін бастан кешуде. Өлкедегі саяси-экономикалық өркендеудің бір белгісі - жаңа Мұнайлы ауданымыздың құрылуы. Жаңа аудан - Атамекеннің құнарлы топырағына тамыр таратуға келген шеттегі қандастарымыздың ормандай ұйысќан ортасы. Өз алдына енші алған Мұнайлы ауданының проблемалары мен перспективаларын қатар игеруге мүмкіндігі туды. Соның нәтижесінде, аудан аумағында көптеген елеулі жаңалықтар болды. Атап айтқанда, Маңғыстау селосында 1200 орындық жаңа мектеп ғимараты, Басқұдық және Атамекен селоларында бастапқы медициналық көмек көрсету орталықтарының ғимараттары іске қосылды. Сонымен бірге қолданыстағы білім беру, мәдениет салаларының объектілері жаңартылды. Аудандағы елді мекендерде электр энегриясымен қамтамасыз ету толық ақталды, жоспар бойынша газбен қамтамасыз ету жұмысы аяқталуға жақын. Алдағы уақытта жаңа әлеуметтік нысандар құрылысымен инженерлік инфрақұрылым жүйелерін жетілдіру жұмыстары жалғасын таба бермек. Барша аудан тұрғындарының шаңырақтарына шаттық, жандарына саулық, Ауданымыздың өсіп-өркендеуіне өз үлестерімізді қосуға жазсын. Жаңа ауданның жақсы жаңалықтары көп болғай!

Құрметпен, Мұнайлы ауданының әкімі